Шымкентте сыбайлас жемқорлыққа қарсы адалдық сағаты өтті

«Заң мен тәртіп» қағидаты аясында Шымкент қаласы бойынша Сыбайлас жемқорлыққа қарсы қызметінің бастамасымен М.Әуезов атындағы ОҚУ және Ө.Жәнібеков атындағы Оңтүстік Қазақстан педагогикалық университетінің студенттеріне адалдық сағаты өткізілді.

Студенттерді, оқытушыларды, мемлекеттік қызметшілерді және сыбайлас жемқорлыққа қарсы волонтерлерді біріктірген іс-шарада сыбайлас жемқорлыққа қарсы іс-қимылдың маңызды аспектілері, академиялық адалдық және адал еңбектің маңыздылығы талқыланды.

Сөз сөйлеу барысында қалалық Сыбайлас жемқорлыққа қарсы қызмет өкілдері қатысушыларды жемқорлыққа қарсы заңнамадағы жаңашылықтармен, сыбайлас жемқорлыққа қарсы іс-қимыл шараларымен және Агенттікпен іске қосылған жобалармен таныстырды.

Кездесуде сыбайлас жемқорлыққа қарсы волонтерлікке және органға жұмысқа орналасу мүмкіндіктеріне, мемлекеттік қызметке іріктеудің жаңа пилоттық жобасына ерекше назар аударылды.

Жастармен кері байланыс орнату мақсатында осы тұрғыдағы іс-шараларды үнемі өткізу жоспарлануда.

x

Check Also

Шымкентте дәстүрге айналған Дәмдәсtour өтті

Шымкент – қонақжайлығымен, дәмі тіл үйірер тағамдарымен келген жанды баурап алады. Мұндағы асхананың саналуандығы – ғасырлар бойы қалыптасқан дәстүрдің, түрлі ...

Наурыз, Наурыз Алты Алашқа қош келдің!

Шымкент қаласы Еңбекші ауданына қарасты Бадам-1, Бадам-2 тұрғын алаптарының халқы Наурыз мерекесін қасиетті Ораза айтпен бірге атап өтті. Көктем мен ...