Xnews — ақпарат агенттігі Әлем және Қазақстанның соңғы жаңалықтары
2025 жылдың қаңтарында Қазақстанда көп балалы отбасыларды қолдауға бағытталған жаңа норма қабылданды.
Салық заңнамасындағы, атап айтқанда ҚР Салық кодексінің 347-бабындағы өзгерістерге сәйкес көпбалалы отбасыларға салықтық жеңілдіктер беріледі.
Көп балалы отбасы үшін салық шегерімі жиынтығында екі ата-анада күнтізбелік жыл ішінде айқындалған айлық есептік көрсеткіштің 282 еселенген мөлшерінен (1 108 824 теңге) аспайтын мөлшерде мынадай тәртіппен қолданылады:
1) көп балалы отбасының ата-аналарының бірі үшін әр ай үшін айлық есептік көрсеткіштің 23 еселенген мөлшерінде (90 436 теңге);
2) көпбалалы отбасының әрбір ата-анасы үшін айлық есептік көрсеткіштің 12 еселенген мөлшерінде (47 184 теңге).
Көп балалы отбасы үшін салық шегерімі жеке тұлғада осындай балалардың туу туралы куәліктерінің көшірмелерімен расталатын төрт және одан да көп кәмелетке толмаған балалардың шегерімі қолданылатын күнтізбелік жылдың 1 қаңтарына арналған жағдайда қолданылады.
Салық жеңілдіктерін алу үшін көп балалы отбасылар құжаттарды жергілікті салық органдарына немесе жұмыс орнындағы кадр қызметіне салық шегеріміне өтініш беруі керек.
Естеріңізге сала кетейік, биыл Қазақстанда әлеуметтік төлемдерге 6 триллион теңге бөлінеді.
