Xnews — ақпарат агенттігі Әлем және Қазақстанның соңғы жаңалықтары
Түркістан қаласы әкімі Әзімбек Пазылбекұлы Түркияға сапары аясында алғашқы Қазақ Бас консулы, дүниежүзі Қазақтар қауымдастығының өкілі Ержан Уәйіспен кездесті,-деп хабарлайды Xnews.kz ақпарат агенттігі Түркістан қаласы әкімінің баспасөз қызметіне сілтеме жасап.
Ержан Уәйіс — Түркістанның төл тумасы, телерадио саласында жарқын із қалдырған, ұлттық тарих пен мәдениетті насихаттаған шежіре журналист, Қонаев атамыз баспасөз-хатшысы болған, қазіргі таңда Қазақстан мәдениет және сауда орталығында басшылық жасайды.
Биыл орталық бір жыл ішінде 100 фотосурет көрмесі ұйымдастырылып, Алаш арыстары Ахмет Байтұрсынның, Мұстафа Шоқайдың, Темірбек Жүргеновтің, 100-ге толған жазушы Бердібек Соқпақбаевтың кітаптарының түрік тіліне аударып, шығармаларын жарыққа шығарған.
Кездесу барысында Әзімбек Пазылбекұлы Түркістан қаласының даму бағытында атқарылып жатқан ауқымды жұмыстарды баяндап, ұсыныстарын талқылады.
