Шымкенттік оқушылар халықаралық байқаудан олжалы оралды

Үндістанның Дели қаласында «Visual competition» халықаралық байқауы өтті. Сайысқа әлемнің 30 елінен Ucmas академиясының 6 мың шәкірті қатысып, бақ сынады. Шымкенттік Гүлсара Ділмұратова мен Асадбек Ділмұратов үздік үштіктен көрініп, олжалы оралды.

Халықаралық байқауға Қазақстаннан 34 оқушы қатысты. Олар әр санат бойынша жылдамдыққа есеп шығарып, өз дарындарын дәлелдеді. Қоржында алтын кубок бар. Ал, командалық есепте «Business kids» академиясы орталығының жас өрендері қолаға қол жеткізді.

Шымкент қалалық білім басқармасы басшысының м.у.а. Тоғжан Жалғасқызы Манкешова елге жеңіспен оралған оқушылармен кездесті. Кездесу барысында жеңімпаздарды жетістіктерімен құттықтап, бағалы сыйлықтар табыс етті. Кездесу кезінде Гүлсара Ділмұратова мен Асадбек Ділмұратов өздерінің жетістіктері туралы айтып, болашаққа жоспарларымен бөлісті.

Шымкент қалалық білім басқармасы басшысының м.у.а. Тоғжан Жалғасқызына сұрақтарын қойып, пікір алмасты. Жас өрендер сапалы білім алу мүмкіндігін беріп, қолдау танытқан еліміздің үкіметіне алғыстарын білдірді.

Айта кетейік, UCMAS ментальді арифметика бағдарламасын малайзиялық профессор Дино Вонг 1993 жылы ойлап тапқан. Бүгінгі таңда бұл бағдарлама әлемнің 87 елінде сұранысқа ие болып, UCMAS орталықтары ашылған. Қазақстанда UCMAS академиясы 2011 жылы құрылды. Ал Шымкентте 2013 жылдан бері жұмыс істейді.

x

Check Also

Шымкенттің сүт өнімдері әлемдік нарыққа экспортталады

Қала аумағында қазіргі уақытта ауыл шаруашылығы өнімдерін қайта өңдеуші 50-ден астам кәсіпорын жұмыс істейді. Оның ішінде, сүтті қайта өндеумен айналысатын ...

Шымкент қаласы қоғамдық кеңесінің жұмыстары: Қала өмірін жақсарту бағытында атқарылған қадамдар

Шымкент қаласы қоғамдық кеңесі 2022 жылдан бастап қазіргі таңға дейін белсенді жұмыс істеп, қаладағы әртүрлі мәселелерді шешуге және азаматтардың өтініштерін ...