Xnews — ақпарат агенттігі Әлем және Қазақстанның соңғы жаңалықтары
Түркістан қаласы әкімдігінің Ішкі саясат бөлімі және «Жастар ресурстық орталығы» КММ-нің ұйымдастыруымен «25 қараша – 16 желтоқсан Гендерлік зорлық-зомбылыққа қарсы белсенділіктің 16 күні» акциясы шеңберінде маңызды іс-шаралар өткізілуде,-деп хабарлайды Xnews.kz ақпарат агенттігі Түркістан қаласы әкімінің баспасөз қызметіне сілтеме жасап.
Акция аясында жастар арасында әйелдерге қатысты зорлық-зомбылықтың алдын алу, ана мен баланы қорғау, отбасының қоғамдағы рөлін нығайту және зорлық-зомбылыққа қарсы қабылданып жатқан шараларды насихаттау мақсатында “Зорлық-зомбылыққа жол жоқ!” тақырыбында мектеп оқушыларымен флешмоб ұйымдастырылды.
Бұл іс-шара жас ұрпақтың құқықтық және моральдық тәрбиесін нығайтуға, сондай-ақ қоғамда зорлық-зомбылыққа мүлдем төзбеушілік қағидасын қалыптастыруға бағытталған.
