Түркістанда мұғалімдерге құрмет көрсетілді (видео)

Түркістанда Ұстаздар күні мерекесіне орай «Ұстазыма мың алғыс!» атты салтанатты шара өтті, деп хабарлайды 24kz.

Мерекелік жиында шәкірттері республикалық, облыстық олимпиада және спорттың бәсекелерде топ жарған 30 мұғалімге құрмет көрсетілді. Оның ішінде 10 ұстаз «Ыбырай Алтынсарин» төсбелгісін және 20 педагог «Құрмет грамотасын» иеленді. Одан бөлек, шәкірті 42 елдің оқу орындарынан шақырту алған география пәнінің мұғалімі Арғын Бастами автокөлікке ие болды. Оның шәкірті Ислам Әбдірахманов қазір АҚШ-та оқып жатыр. Жалпы Түркістан облысында 85 мыңнан астам педагог саналы ұрпаққа сапалы білім беріп келеді.

Арғын Бастами «Түркістан білім-инновация» лицейінің география пәні мұғалімі:
— Мұғалімдер күніне орай ерекше тосынсый болды. Мен өзім көлік айдауды білмеймін. Сол үшін мұндай сыйлық алам деген ойыма келмеді. Әрдайым грамота алып үйренгенбіз ғой, бірақ оны жинап қоямыз. Бірақ бұндай дүние жасайды деп ойламадым, күтпедім. Үлкен рахмет!

© «24kz» телеарнасы

x

Check Also

Әлемдік көшбасшы компания Түркістан облысында тоңазытқыш шығаратын зауыт ашты

Түркістан облысы, Сауран ауданындағы Шағын өнеркәсіптік парк аумағында «UBC» халықаралық компаниясының тоңазытқыш шығаратын «JASYL SUYQ QAZAQSTAN» зауыты іске қосылды. Зауыттың ...

Түркістандық оқушылар үзіліс кезінде ұлттық спорт түрлерімен айналысады

Түркістан қаласындағы №32 жалпы білім беретін мектеп оқушыларының ұлттық спорт түрлеріне қызығушылығы жоғары. Онда шәкірттер садақ ату, ләңгі тебу, гір ...