Xnews — ақпарат агенттігі Әлем және Қазақстанның соңғы жаңалықтары
Ел болашағы үшін маңызды саналатын саяси науқанға түркістандықтар да белсенді қатысып жатыр.
Таңмен таласа тұрып, референдум учаскесіне дауыс беруге барып жатқандар қарасы қалың. Қожа Ахмет Ясауи атындағы халықаралық Қазақ-түрік университетінде орналасқан №133 дауыс беру учаскесі қаладағы ең көп учаске саналады. Онда 2 мың 661 дауыс беруші тіркелген. Дауыс берушілердің арасында ардагерлер мен зейнеткерлерден бөлек, кәмелеттік жасқа толып, саяси науқанға алғаш рет қатысып отырған жастар да бар. Солардың бірі – бірінші курс студенті Несібелі Сегізбай. Бірінші рет дауыс беріп отырғандықтан ұйымдастырушылар оған «қадамың құтты болсын және өміріңдегі маңызды сәт ерекше естеліктермен есте қалсын» деген ниетпен сый-сияпат жасады.
Несібелі Сегізбай, алғаш рет дауыс беруші:
— Ең бірінші дауыс беруім, сол үшін таңертеңмен ерте келгенмін. Бірақ бұндай қошеметке ие боламын деп ешқашан ойламадым. Бірінші рет сыйлық алып тұрмын, өте қуаныштымын. Барша қазақстандықтарды дауыс беруге шақырамын. Еліміздің болашағы үшін дауыс берейік!
© «24kz» телеарнасы
