Түркістан облысында мемлекеттік сатып алу саласында 3,2 млрд теңге үнемделді

Түркістан облысында еріктілермен бірге мемлекеттік сатып алу порталында бағаны бақылау бойынша мониторинг жұмыстары ұдайы жүргізіліп келеді. Нәтижесінде 2024 жылдың 9 айында 3,2 млрд теңге көлемінде бюджет қаражаты үнемделді. Бұл жайында Сыбайлас жемқорлыққа қарсы іс-қимыл агенттігінің Түркістан облысы бойынша департамент басшысы Мұрат Төлеубаев брифингте мәлімдеді.

Сондай-ақ, спикер ауылшаруашылығы саласында жүргізілген кешенді жұмыстарға тоқталды. Мәселен, субсидиясын ала алмаған 44 шаруаның құқығы қалпына келтіріліп, оларға 65,9 млн теңге субсидия берілген. Сонымен қатар, «Бизнеске жол» жобасы аясында 12 мәселенің шешімі табылып, 26 мыңнан астам кәсіпкердің құқығы қорғалған.

«Білім беру саласында еңбекақы төлеу қоры бойынша жемқорлық тәуекелдерін жою мақсатында аудан-қалалық білім бөлімдері «Әкімшілік-шаруашылық қызметті есепке алу мен жоспарлаудың бұлтты ақпараттық жүйесі» сервисі жүзеге асырылуда. Бұл жүйе — ақша қаражатын заңсыз есептеу фактілерін жоюға ықпал етеді. Ал, жер қатынастары саласында сыртқы талдау нәтижесімен аудан әкімдіктерінің суармалы ауыл шаруашылығы алқаптарын жеке тұлғалардан мемлекет үшін негізсіз алып қою практикасы тоқтатылды. Сондай-ақ, департамент ұсынысымен әлеуметтік маңызы бар нысандарды салу мен автожолдарды күрделі жөндеу кезінде ең кемі 7 жыл, автожолдарды орташа жөндеу кезінде 5 жыл кепілдік мерзімдері белгіленді», — деді департамент басшысы.

Облыста жемқорлыққа қарсы мәдениетті қалыптастыру бағытында мақсатты топтар арасында 387 мың адамды қамтыған 979 түрлі шара өтті. Бұл жұмыстарға әдеп жөніндегі уәкілдер, дін өкілдері мен департамент еріктілері және қоғам белсенділері тартылуда.

Түркістан облысының Өңірлік коммуникациялар қызметі

x

Check Also

Әлемдік көшбасшы компания Түркістан облысында тоңазытқыш шығаратын зауыт ашты

Түркістан облысы, Сауран ауданындағы Шағын өнеркәсіптік парк аумағында «UBC» халықаралық компаниясының тоңазытқыш шығаратын «JASYL SUYQ QAZAQSTAN» зауыты іске қосылды. Зауыттың ...

Түркістандық оқушылар үзіліс кезінде ұлттық спорт түрлерімен айналысады

Түркістан қаласындағы №32 жалпы білім беретін мектеп оқушыларының ұлттық спорт түрлеріне қызығушылығы жоғары. Онда шәкірттер садақ ату, ләңгі тебу, гір ...