Түркістан облысында биыл 6 көпірге құрылыс-жөндеу жұмыстары жүріп жатыр

Түркістан облысы аумағында облыстық маңызы бар автомобиль жолдарының жалпы ұзындығы 3 983,3 шақырымды құрайды,-деп хабарлайды Xnews.kz ақпарат агенттігі Түркістан облысының Өңірлік коммуникациялар қызметіне сілтеме жасап.

Аталған жолдардың бойында 409 дана көпір және 3 591 дана су құбырлары орналасқан. Биыл облыстық жолаушылар көлігі және автомобиль жолдары басқармасының тапсырысымен Келес, Сауран, Отырар, Мақтаарал, Төлеби, Сарыағаш аудандарындағы 6 көпірге күрделі жөндеу жұмыстары жүргізілуде. Аталған көпірлер жыл соңына дейін пайдалануға берілмек.

Соның бірі Сарыағаш ауданына қарасты Сіргелі елді мекенінен өтетін облыстық маңызы бар КХ-50 «Дербісек-Сарыағаш» автомобиль жолы бойындағы Тасқұлақ өзенінің үстіндегі көпір күрделі жөндеуден өткізілуде. Бүгінде мердігер мекеме «СК «Дар» ЖШС тарапынан айналма жол ұйымдастырылып, көпірді демонтаждау жұмыстары басталған. Нысан құрылысы қараша айына дейін аяқталып, көлік қозғалысына беру жоспарланған.

x

Check Also

Түркістан облысында «Al-Farabi» интеллектуалды ойынына 200 команда қатысып, үздіктері анықталды

Түркістан облысы қоғамдық даму басқармасының «Жастар ресурстық орталығы» КММ-нің ұйымдастыруымен облыс көлемінде өткізілген «AL-FARABI» интеллектуалды ойынының финалдық кезеңі өз мәресіне ...

Түркістанда «Қоныс аудару» жәрмеңкесі өтті

Түркістан облысында 8 сәуірден бастау алған «Қоныс аудару» жәрмеңкесі бүгін облыс орталығында қорытындыланды. Еліміздің 7 облысынан атап айтқанда Абай, Қарағанды, ...