Xnews — ақпарат агенттігі Әлем және Қазақстанның соңғы жаңалықтары
Жыл басынан бері азаматтарға әлеуметтік төлемдерді тағайындау бойынша – 34 772 мемлекеттік қызметтер көрсетілген, мемлекеттік қызмет көрсету кезінде анықталған кемшіліктерге сәйкес 948 іс қалпына келтіру үшін кері қайтарылған, бұл өтініштердің жалпы санының 2,7% құрады. 26 іс-құжат бойынша зейнетақы мен жәрдемақыларды тағайындауға өтініш берушілер тарапынан ұсынған құжаттардың дұрыстығын растау үшін уәкілетті ұйымдарға сұраныс хаттар жолданған,-деп хабарлайды Xnews.kz ақпарат агенттігі Шымкент қаласының Өңірлік коммуникациялар қызметіне сілтеме жасап.
Көрсетілген мемлекеттік қызметтер — 34 772 оның ішінде;
• ХҚКО арқылы — 15257 іс құжат 43,8%,
• Электронды үкімет портал арқылы -671 іс 1,9%,
• Проактивті қызметтер арқылы 14423 іс 41,5%,
• Банктік қосымшалар арқылы 4395 іс 12,6%.
МӘС және Шымкент қаласының жұмыспен қамту және әлеуметтік қорғау басқармасы арқылы 26 қызмет түрі көрсетілген 0,07%.
Бөлімдердің мамандары есеп беру кезеңінде 138 азаматтың арыз-шағымдары мен ТМД елдерінен келіп түскен 798 сұраныс хаттарды қарап, заңмен белгіленген мерзім аралығында жауаптар берілген.
Бұхаралық ақпарат құралдарында зейнетақы мен әлеуметтік төлемақылар туралы заңына енгізілген өзгерістер мен толықтыруларды насихаттау және түсіндіру жұмыстарын жүргізу мақсатында 1 рет жергілікті телеарналарда хабарға қатысып, 2 рет газеттерде мақала жарияланған.
Шымкент қаласы бойынша 205 мың азамат зейнетақы мен мемлекеттік жәрдемақы алады
Шымкент қаласы бойынша зейнетақы мен мемлекеттік әлеуметтік жәрдемақы алушылардың саны 205 000 астам азаматты құрайды. Азаматтарға мемлекеттік қызмет көрсетудің 16 түрі бойынша қызметтер көрсетілуде дейді, бұл туралы бүгін Өңірлік коммуникациялар қызметі алаңында өткен баспасөз конференциясында Қазақстан Республикасы Еңбек және халықты әлеуметтік қорғау министрлігінің Еңбек және әлеуметтік қорғау комитеті Шымкент қаласы бойынша департаментінің басшысы Тұңғышбаев Руслан Кәрібайұлы баяндады.
2024 жылдың I жарты жылында жаңадан тағайындалған зейнетақы мен жәрдемақылардың және қайта қаралған төлемдердің саны – 74191 құрайды.
Жаңадан тағайындалған зейнетақы мен жәрдемақылар саны–43643;
Қайта қаралған зейнетақы мен жәрдемақылар саны–30548.
Есеп беру кезеңінде 59 өтініш бойынша мемлекеттік қызмет көрсетуден және 668 мемлекеттік кепілдік төлеуден бас тартылған.
Зейнетақылар мен жәрдемақыларды тағайындау Қазақстан Республикасының нормативтiк құқықтық актiлерiне сәйкес жүзеге асырылып, есеп беру кезеңiнде мемлекеттiк қызмет көрсету мерзiмдерiн бұзу және заңсыз тағайындалған төлемдер жоқ.
