Түркістандық оқушылар Ұлттық мектеп лигасының жеңімпазы атанды

Елімізде республикалық “Ұлттық мектеп лигасы” ойындары өтіп жатыр,-деп хабарлайды Xnews.kz ақпарат агенттігі Түркістан облысының Өңірлік коммуникациялар қызметіне сілтеме жасап.

Жарыстар үш жас ерекшелік бойынша Семей, Астана және Қызылорда қалаларында ұйымдастырылуда. Қазіргі таңда Семей қаласындағы 5-6 сыныптар арасындағы жарыстың қорытындысы бойынша Түркістан облысының оқушылары жалпыкомандалық есепте І орынды жеңіп алды.

Айта кетейік, 2023-2024 оқу жылында Түркістан облысында “Ұлттық мектеп лига” жарыстары спорттың 10 түрінен өткізілді. Осы кезеңде 44 сайыс өтіп, оған 475 командадан 4244 оқушы қатысқан болатын. Облыстық сайыстардың өткізілуі барысында 144 кубок, 1307 медаль сарапқа салынды. Оның ішінде 434 алтын, 444 күміс және 429 қола медаль әзірленген.

Қазіргі таңда 7-8 сыныптар арасындағы жарыс Астана қаласында өтіп жатыр. Әзірге облыс оқушыларының қоржынында 2 алтын, 4 қола бар. Алда шәкірттер тағы да 6 спорт түрінен сынға түспек. Сонымен қатар, шілде айының 7-31 аралығында Қызылорда қаласында 9-11 сыныптар арасындағы жарыстар өткізіледі.

x

Check Also

Ұлттық құрылтай – ұлттық идеологияның қалыптасар орны

Бурабайда өткен Ұлттық құрылтай 2025 жылға жоспарланған шараның алғашқы қадамдарының бірі ретінде маңызды оқиға болды. Бұл жиын Қазақстанның әртүрлі әлеуметтік, ...

Түркістанда халықаралық бизнес-форум өтті

Түркістан қаласындағы «Достық үйінде» украиналық «UBC» компаниясының серіктестері және инвесторларымен бизнес-форум өтті. Халықаралық форумға Украина, Түркия, Грузия, Қытай, Әзербайжан, Өзбекстан ...