Түркістан облысының оқушылары робот құрастырудан жарысты

Түркістан облысы қоғамдық даму басқармасының «Жастар ресурстық орталығы» КММ-ң ұйымдастыруымен облыстық «Жастар лигасы» атты робототехника және авиациялық техникадан байқау өтті,-деп хабарлайды Xnews.kz ақпарат агенттігі Түркістан облысының Өңірлік коммуникациялар қызметіне сілтеме жасап.

Жарыстың негізгі мақсаты — оқушылардың шығармашылық белсенділігін дамыту, оларды инженерлікке машықтандыру, робототехника және бағдарламалау қабілетін дамыту, сондай-ақ дарынды оқушыларды анықтау.

Байқауға жалпы және мамандандырылған білім беру ұйымдарынан 8-9 сынып оқушылары арасынан 17 өтінім түсіп, 10 команда бақ сынады.

Қатысушылар 3 кезең бойынша роботтарды құрастырып, оларға бағдарлама енгізді. Сонымен қатар, құрастырылған робот кедергілерден өтіп, оқушылар машинаны басқарумен де сынға түсті. Бұдан бөлек, роботтар стандартты алгоритмдер мен бағдарламалық шешімдерді орындады.

Байқау қорытындысында төлебилік «ARDUOUS MASTERS» командасы жеңімпаз атанып, 500 мың теңгені қанжығасына байлады. Ал, Кентау қаласынан келген «TURKISTAN ROBO PRIME» командасы екінші орынға жайғасып, 300 мың теңге көлемінде қаржылай сыйлық жеңіп алды. Ал, үздік үштікті Бәйдібек ауданынан келген «ROBO BRAND» командасы қорытындылап, 200 мың теңге көлемінде сыйақыға ие болды.

Сонымен қатар, жарысқа қатысқан барлық команда 70 000 теңге көлемінде қаржылай сыйлықтармен марапатталды.

x

Check Also

Әлемдік көшбасшы компания Түркістан облысында тоңазытқыш шығаратын зауыт ашты

Түркістан облысы, Сауран ауданындағы Шағын өнеркәсіптік парк аумағында «UBC» халықаралық компаниясының тоңазытқыш шығаратын «JASYL SUYQ QAZAQSTAN» зауыты іске қосылды. Зауыттың ...

Түркістандық оқушылар үзіліс кезінде ұлттық спорт түрлерімен айналысады

Түркістан қаласындағы №32 жалпы білім беретін мектеп оқушыларының ұлттық спорт түрлеріне қызығушылығы жоғары. Онда шәкірттер садақ ату, ләңгі тебу, гір ...