Xnews — ақпарат агенттігі Әлем және Қазақстанның соңғы жаңалықтары
Аудан әкімінің орынбасары Серік Садибаевтың төрағалығымен ауыл шаруашылығы саласы бойынша құрылған кеңестің кезекті отырысы болып өтті,-деп хабарлайды Xnews.kz ақпарат агенттігі Сауран ауданы әкімдігінің баспасөз қызметіне сілтеме жасап.
Жиналысқа аудандық мәслихат төрағасы Сержан Байсбаев, ауыл шаруашылығы бөлімінің басшысы Бекзат Абубакиров, аудандық прокуратура, жер қатыныстары бөлімі, «Тұран Су» мекемесінің өкілі, шаруа қожалық төрағалары, шаруалар, ауыл шаруашылығы мамандары қатысты.
Кеңестің күн тәртібінде 2 мәселе қаралды. Бірінші мәселе бойынша Жүйнек ауылдық округі, Шекербұлақ және «Ырмақ-Өзен» су қоймасынан бостылатын ағын суды пайдалану туралы Жүйнек ауылдық округінің әкімі Төрабай Әбдікәрімов хабарлап өтті. Сонымен қатар, «Тұран Су» ШЖҚ МКК теңгеріміндегі ішкі шаруашылық каналдарында ағын суды жеткізіп беру қызметінің тарифтері туралы Шаға ауылдық округі ардагерлер кеңесінің төрағасы, ауылшаруашылық саласының ардагері Оразгелді Егізбаев баяндама жасады.
Жиналыс барысында шаруашалар тарапынан көптеген ұсыныс-пікірлер айтылып, назарға алынды. Кеңесті қорытындылыған аудан әкімінің орынбасары Серік Садибаев кеңесте айтылған өзекті мәселелер бақылауға алынып, алдағы уақытты тиісті жұмыстар жүргізілетінін жеткізді.
