Xnews — ақпарат агенттігі Әлем және Қазақстанның соңғы жаңалықтары
Сауран ауданы әкімінің кеңесшісі Мұхамеджан Жұмадуллаев, Шорнақ ауылдық округінің әкімі Бердалы Баймұратов пен аудандық емхананың бас дәрігерінің орынбасары Нұрсұлтан Қарабаев және ақсақалдар алқасының мүшесі Жакеев Шүкірхан Көкшетау қаласына арнайы іссапармен барды. Онда аудан орталығы Шорнақ елді мекеніне тұрғындарының сұраныстарын жүзеге асыру мақсатында емханаға салу бағытында инвесторлармен кездесіп, келіссіздер жүргізді,-деп хабарлайды Xnews.kz ақпарат агенттігі Сауран ауданы әкімдігінің баспасөз қызметіне сілтеме жасап.
Аудан әкімінің есепті кездесулерінде тұрғандар тарапынан емхана, аурухана салу мәселесі бұған дейін бірнеше рет көтерілген-ді. Алдағы уақытта инвесторлар есебінен жаңа заманауи үлгіде аудан орталығынан емхана салынатын болады. Бүгінде ұлттық құндылығымыз — баға жетпес адам өмірін сақтауда, сондай-ақ әрбір жанның қоғамның белсенді мүшесі болып табыла білуінде медицина қызметкерлерінің атқаратын істерінің маңызы зор.
Ауданымызда медицина саласын дамытуға ерекше көңіл бөлініп жатқандығы және Мемлекет басшысының жыл сайынғы халыққа арнаған дәстүрлі Жолдауларында осы денсаулық саласын назардан тыс қалдырған емес. Соның нәтижесінде елімізде аурудың алдын алып, бұл саладағы әлемнің озық әдістерін меңгеруде айтарлықтай істердің тындырылып жатқандығы бәрімізге белгілі.
