Xnews — ақпарат агенттігі Әлем және Қазақстанның соңғы жаңалықтары
Сауран ауданы әкімі аппаратының мәжіліс залында аудан әкімі Мақсат Таңғатаровтың төрағалығымен ауданның апталық мәжілісі болып өтті. Мәжіліске аудан әкімінің орынбасарлары, аппарат басшысы, кеңесшілері, дербес бөлім басшылары, ауылдық округ әкімдері және тиісті сала басшылары қатысты,-деп хабарлайды Xnews.kz ақпарат агенттігі Сауран ауданы әкімдігінің баспасөз қызметіне сілтеме жасап.
Мәжілістің күн тәртібінде 3 мәселе қаралды. Онда аудан аумағындағы қоғамдық саяси-ахуалды тұрақтандыру бойынша атқарылып жатқан жұмыстары туралы ішкі саясат бөлімінің басшысы Нұрғазы Тажыбеков, заңсыз жер қойнауының алдын алу бағытында жүргізіліп жатқан жұмыстары туралы кәсіпкерлік және туризм бөлімінің бас маманы Нұрсұлтан Мақұлбеков баяндама жасады. Сонымен қатар, Шорнақ ауылдық окруігі әкімінің 6 айда атқарған жұмыстары мен алдағы атқаратын жұмыс жоспарлары туралы ауылдық округ әкімі Бердалы Баймұратов хабарлап өтті.
Сауран ауданы бойынша заңсыз жер қойнауының алдын алу бағытында атқаралып жатқан жұмыстары туралы кәсіпкерлік және туризм бөлімінің бас маманы Нұрсұлтан Мақұлбековтің мәлімдеуінше аудан аумағында кең таралған пайдалы қазбаларды өндіретін бүгінгі таңда 39 жер қойнауын пайдаланушылар бар. Оның ішінде 20 жер қойнауын пайдаланушы Шорнақ ауылдық округінде орналасқан.
Бүгінгі таңда ауданымызда 21 жер қойнауын пайдаланушы жұмыс істеп тұрған болса, 18 жер қойнауын пайдаланушы уақытша тоқтап тұр. Аталған кен орындардың ішінде ауданда 4 жер қойнауын пайдаланушы тіркелген. Заңсыз жер қойнауын өз бетінше пайдалану фактілерін анықтау және болдырмау мақсатында аудан әкімінің өкімімен жұмысшы тобы құрылған. Жұмысшы топ өкілдері, жер қойнауын заңсыз пайдалану, оның ішінде кең таралған пайдалы қазбаларды (құм-тас қоспасы, топырақ, т.б) заңсыз қазу, тасымалдау, сатуды анықтау, алдын алу және жолын кесу мақсатында шұғыл алдын алу шаралары үздіксіз жүргізіліп келеді.
Жыл басынан жұмысшы топ өкілдері заңсыз жер қойнаушыларды анықтау мақсатында 90 рет рейдтік жұмыстар жүргізіп, 4 рет жұмысшы топтың жиналысы өткізілген. 102-сымтетігіне 32 рет хабарлама беріліп, ішкі істер органдарына тіркелген. Сонымен қатар, 83 ауыр жүк көліктері айып тұраққа қойылып, оларға 3,8 млн. теңге айыппұл салынған. Облыстық жер ресустарын басқару және экология департаменттеріне 20 рет тиісті шара қолдану бойынша арнайы хаттардың жолданғанын жеткізді.
Мәжілісті қорытындылаған аудан әкімі Мақсат Таңғатаров күн тәртібінде қаралған мәселелер бойынша дербес бөлім басшылары мен ауылдық округ әкімдеріне нақты тапсырмалар беріп, орындалуын тұрақты бақылауда ұстауды міндеттеді.
