Сауран құрылыс және коммуналдық салалар бойынша мәселелер қаралды

Сауран ауданының мәдениет үйінде аудан әкімі Мақсат Таңғатаровтың қатысуымен бөлім басшыларының жыл басынан бері атқарған және алдағы жұмыс жоспарлары туралы есептері тыңдалды,-деп хабарлайды Xnews.kz ақпарат агенттігі Сауран ауданы әкімдігінің баспасөз қызметіне сілтеме жасап.

Жиынға аудан әкімінің орынбасары, дербес бөлім басшылары, ауылдық округ әкімдері, тиісті сала басшылары, 12 ауылдық округтерінің белсенділері мен тұрғындары қатысты.

Жиналыстың күн тәртібінде аудан көлеміндегі өзекті мәселелер жол, коммуналдық және құрылыс салалары бойынша дербес бөлім басшылары тұрғындарға өздері тарапынан атқарып жатқан жұмыстарының есебін берді. Атап өтсек, сәулет және қала құрылысы бөлімінің басшысы Қуаныш Тәукебаев, жолаушылар көлігі және автомобиль жолдары бөлімінің басшысы Жолдас Мырзабеков, тұрғын үй-коммуналдық шаруашылығы және тұрғын үй инспекциясы бөлімі басшысының уақытша міндетін атқарушы Асылбек Қанағат, төтенше жағдайлар бөлімінің басшысы Мұхтар Қуанышбаев, газ инспекциясы бөлімінің басшысы Кенже Жақсылықов баяндама жасады.

Кездесуде ауыл тұрғындары тарапынан жол, электр энергия, көше шамдарын орнату, көпір, ауыз су, аялдама, жол белгілерін қою, жол бойына камера орнату, жолдарды асфальттау тағыда басқа көптеген сұрақтар қойылып, мәселелер айтылды. Жиналыста тұрғындар тарапынан айтылған барлық мәселелердің шешу жолдары қарастырылып, аудан әкімі Мақсат Асылбекұлы тиісті бөлімдерге, ауылдық округ әкімдеріне нақты тапсырмалар беріп, орындалуы тұрақты бақылауда болатынын жеткізді.

x

Check Also

Әлемдік көшбасшы компания Түркістан облысында тоңазытқыш шығаратын зауыт ашты

Түркістан облысы, Сауран ауданындағы Шағын өнеркәсіптік парк аумағында «UBC» халықаралық компаниясының тоңазытқыш шығаратын «JASYL SUYQ QAZAQSTAN» зауыты іске қосылды. Зауыттың ...

Түркістандық оқушылар үзіліс кезінде ұлттық спорт түрлерімен айналысады

Түркістан қаласындағы №32 жалпы білім беретін мектеп оқушыларының ұлттық спорт түрлеріне қызығушылығы жоғары. Онда шәкірттер садақ ату, ләңгі тебу, гір ...