Сауран: Жаңа Иқанда балалар ойын алаңы ашылды

Жаңа Иқан ауылдық округіне қарасты Ибата елде мекенінде балалар ойын алаңының ашылу салтанаты болып өтті,-деп хабарлайды Xnews.kz ақпарат агенттігі Сауран ауданы әкімдігінің баспасөз қызметіне сілтеме жасап.

Шараға ауыл әкімі Тахир Абдаев құттықтау сөз сөйлеп, спорт алаңы ауыл халқының игілігіне қызмет ететінін айтты. Сондай-ақ, ауыл ақсақалдары, кәсіпкерлері осындай игі істің басы қасында жүрген азаматтарға алғыстарын білдірді.

Ашылу салтанатында жастар мен жасөспірімдер арасында бұқаралық спортты дамыту және салауатты өмір салтын қалыптастыруды насихаттау мақсатында кіші футболдан Жаңа Иқан ауылдық округі әкімінің кубогы ұйымдастырылды. Оған аудан аумағынан 10 команда қатысып, өзара бақ сынады.

Жарыс нәтижесі бойынша Жаңа Иқан командасы (жаттықтырушысы Шахрух Юлдашев) жеңімпаз атанса, Ескі Иқан ауылынан келген «Иқан жастары» (жаттықтырушысы Жамшид Абутаиров) екінші, М.Юлдашев атындағы спорт мектебі командасы (жаттықтырушысы Хурсан Адаханов) үшінші орынға ие болып, кубок, медаль және грамоталармен марапатталды.

“Мектеп Жаңа Иқан” ЖШС жалпы орта білім беру мекемесінің дене шынықтыру пәні мұғалімі Мейірбек Әсетов үздік төреші атанса, Нурбах Абдукаримов (Жаңа Иқан) үздік сүрмерген, Асатбек Юлдашев (“Иқан жастары”) үздік шабуылшы, Чинорбек Умрханов (М.Юлдашев атындағы спорт мектебі) үздік қақпашы номинациясына ие болды.

x

Check Also

Әлемдік көшбасшы компания Түркістан облысында тоңазытқыш шығаратын зауыт ашты

Түркістан облысы, Сауран ауданындағы Шағын өнеркәсіптік парк аумағында «UBC» халықаралық компаниясының тоңазытқыш шығаратын «JASYL SUYQ QAZAQSTAN» зауыты іске қосылды. Зауыттың ...

Түркістандық оқушылар үзіліс кезінде ұлттық спорт түрлерімен айналысады

Түркістан қаласындағы №32 жалпы білім беретін мектеп оқушыларының ұлттық спорт түрлеріне қызығушылығы жоғары. Онда шәкірттер садақ ату, ләңгі тебу, гір ...