Xnews — ақпарат агенттігі Әлем және Қазақстанның соңғы жаңалықтары
Баланың зейіні мен есте сақтау және шығармашылық ойлау қабілеттерін арттыруға арналған ментальді арифметика бағдарламасы негізіндегі халықаралық жарыс наурыз айының 22-24 күндері аралығында Ташкент қаласында өткен болатын,-деп хабарлайды Xnews.kz ақпарат агенттігі Түркістан облысының Өңірлік коммуникациялар қызметіне сілтеме жасап.
Төлеби ауданында 4-14 жас аралығындағы балалардың зияткерлік қабілетін дамытуға арналған ментальді арифметика бағдарламасы бойынша білім беретін «Серік» және «Genius» оқу орталықтарының 20 шәкірті олимпиадаға қатысып, жүлделі орындарға ие болды. Халықаралық жарыста түрлі есептердің шешімін калькулятордан жылдам тапқан төлебилік оқушылар көптен дараланып, ақыл-ой жылдамдығымен көзге түсті.
