Xnews — ақпарат агенттігі Әлем және Қазақстанның соңғы жаңалықтары
Созақ ауданында «Таза Қазақстан» республикалық акциясының «Таза өлке» апталығы аясында тазалық және көгалдандыру жұмыстары қарқын алды. Санитарлық тазалықты сақтап, аудан аумағын көгалдандыру мақсатында ұйымдастырылған бастамаға аудан әкімдігіне қарасты барлық бөлімдер мен бюджеттік мекеме қызметкерлері, тұрғындар аса белсенділікпен атсалысуда.
Атап айтқанда, 100-ге тарта медицина қызметкерлері Шолаққорған ауылындағы арықтарды тазалап, тал көшеттерін әктеуде. Сондай-ақ, қоқыс қалдықтарын жинауда. Сонымен қатар, еріктілер «Жасыл белдеу» аумағына тал көшеттерін отырғызып жатыр. Алдағы уақытта онда 4 000-нан астам тал көшеттері егіледі деп күтілуде. Ауыл-кент, округтердегі көше бойлары әктеліп, тазалық жұмыстары қарқынды жүруде.
Түркістан облысының Өңірлік коммуникациялар қызметі
