Қазығұртта 300 орындық мектеп ашылды (видео)

Алғыс айту күні қарсаңында Қазығұрт ауданы Сарапхана ауылдық округінде А.Байтұрсынов атындағы 300 орындық мектеп ашылды,-деп хабарлайды Xnews.kz ақпарат агенттігі Түркістан облысының Өңірлік коммуникациялар қызметіне сілтеме жасап.

Жаңа оқу орнының ашылу салтанатына БАҚ өкілдері арнайы баспасөз турымен барды. Аудан әкімі Азизхан Исмаиловтың сөзінше, мектептің құрылысы республикалық бюджет есебінен 2021-2024 жылдар аралығында жүрген. Қазіргі таңда мектепте 261 оқушы екі ауысымда білім алады.

«Бүгінгі ашылып отырған мектеп толық заман талабына сай жабдықталған. Оқу ордасында физика, химия, биология, информатика, кабинеттерінен бөлек, тігін шеберханасы мен үлкен спорт зал бар. Өткен жылы ауданда 3 мектептің құрылысы аяқталып, пайдалануға берілген болатын. Ал биыл қосымша 3 білім беру ғимаратының құрылыс жұмыстары жүріп жатыр»,-деді аудан басшысы.

Шара барысында тілшілер қауымы аудандық ауруханадағы оңалту орталығының жұмысымен танысты. Жуырда ауруханаға компьютерлік томографиялық және УЗИ аппараттары орнатылған болатын. Аталған компьютерлік томография тәулігіне 30 адамға қызмет көрсетуге қауқарлы. Бүгінде аудан тұрғындары өзге қалаларға бармай-ақ аудан орталығында толық медициналық тексеруден өте алады.

© Turkistan телеарнасы

x

Check Also

Әлемдік көшбасшы компания Түркістан облысында тоңазытқыш шығаратын зауыт ашты

Түркістан облысы, Сауран ауданындағы Шағын өнеркәсіптік парк аумағында «UBC» халықаралық компаниясының тоңазытқыш шығаратын «JASYL SUYQ QAZAQSTAN» зауыты іске қосылды. Зауыттың ...

Түркістандық оқушылар үзіліс кезінде ұлттық спорт түрлерімен айналысады

Түркістан қаласындағы №32 жалпы білім беретін мектеп оқушыларының ұлттық спорт түрлеріне қызығушылығы жоғары. Онда шәкірттер садақ ату, ләңгі тебу, гір ...