Түркістан облысының мектептері маңында 10 мыңнан астам құс ұясы орнатылды

Біз қамқоршы баламыз, құстарға ұя саламыз! Дәл осындай ұранмен Түркістан облысының білім беру мекемелерінде жаппай құс ұясы мен жем шашатын ыдыстар орнатылды. Бір мезетте білім басқармасына қарасты 1040 мектепке көктем хабаршысы болған құстарға арналған ұялар қойылды. Игі бастамаға қатысқан балалардың жүздері қуаныштан бал-бұл жанды.

Мақсат – оқушылардың құстарға, табиғатқа қамқорлық сезімін және мейірімін ояту, еңбекке баулу. Құстардың тіршілігі туралы білімдерін кеңейту. Жоғалып кетуге шақ қалған құс түрлерін қорғауға шақыру.

Аталған шара облыстық «Білім беруді дамыту орталығы» КММ әдіскері Нұғман Архабаевтың ұйымдастыруымен өтті. Ұяларды көркем еңбек пәнінің мұғалімдері мен оқушылар әзірлегенін айта кеткен жөн.

Ұлыстың ұлы күні – Наурыз мерекесі қарсаңында әрі көктемнің алғашқы жаршысы құстарға қамқор бола білу – балаларды ұйымшылдыққа, бірлесіп еңбек етуге тәрбиелейді. Мұны бүгінгі өткен экологиялық іс-шарадан айқын байқауға болады.

Науқан шеңберінде жас буынның құстарға қамқорлық танытып, өз қолдарымен азық беріп, ұя жасап жатқаны көпшілікті қуантты. Осындай игі бастама алдағы уақытта да жалғасын таба бермек.

Түркістан облысы әкімінің баспасөз қызметі

x

Check Also

Әлемдік көшбасшы компания Түркістан облысында тоңазытқыш шығаратын зауыт ашты

Түркістан облысы, Сауран ауданындағы Шағын өнеркәсіптік парк аумағында «UBC» халықаралық компаниясының тоңазытқыш шығаратын «JASYL SUYQ QAZAQSTAN» зауыты іске қосылды. Зауыттың ...

Түркістандық оқушылар үзіліс кезінде ұлттық спорт түрлерімен айналысады

Түркістан қаласындағы №32 жалпы білім беретін мектеп оқушыларының ұлттық спорт түрлеріне қызығушылығы жоғары. Онда шәкірттер садақ ату, ләңгі тебу, гір ...