Xnews — ақпарат агенттігі Әлем және Қазақстанның соңғы жаңалықтары
Түлкібас аудандық полиция бөліміне алаяқтың құрбаны болған жергілікті тұрғын арызданды. Ер адамның айтуынша, белгісіз біреу оның атынан 115 мың теңгеге жуық онлайн несие рәсімдеп алған.
Полицейлер аталған фактіні ҚР ҚК-нің 190-бабы (Алаяқтық) бойынша тіркеуге алды. Тәртіп сақшылары күдіктінің жеке тұлғасын анықтау үшін жедел-іздестіру шараларын жүргізді. Нәтижесінде бұрын сотты болған жергілікті тұрғын анықталды.
Белгілі болғандай, күдікті ер адам жәбірленушінің үйіне “Otau тв” орнатып беремін деп алдап, суретке түсіру арқылы өзінің телефонымен онлайн несие рәсімдеген. Тексеру барысында оның бұдан бөлек 4 жайтқа қатысы бары анықталды. Қазіргі уақытта күдікті қамауға алынды, тергеу жалғасып жатыр.
