Xnews — ақпарат агенттігі Әлем және Қазақстанның соңғы жаңалықтары
Кентау қалалық полиция бөліміне жергілікті тұрғын арызданады. Ол өз арызында белгісіз біреу құжаттарын пайдаланып, түрлі банктерден 2 млн теңгеге жуық несие рәсімдегенін көрсетеді. Аталған фактіні полицейлер ҚР ҚК-нің 190-бабы («Алаяқтық») бойынша тіркеуге алды.
Кентаулық полиция қызметкерлері жедел-іздестіру іс-шараларын жүргізу барысында Алматы тұрғынын ұстады. Анықталғанындай, жәбірленуші күдіктінің «төмен пайызбен несие шығарып беремін» деген сөзіне сеніп, алдын ала құжаттарын берген. Ал, күдікті ер адам оның құжаттарын пайдаланып, ірі көлемде несие рәсімдеген.
Күдікті қамауға алынып, оған қатысты сотқа дейінгі тергеу амалдары жүргізіліп жатыр.
