«Үлкенге құрмет» акциясы жалғасуда

«Қарты бар үйдің қазынасы бар»деген аталы сөз текке айтылмаса керек.

Бүгін «Жастар ресурстық орталығы КММ-нің ұйымдастыруымен белсенді жастар Арыс және Көкмардан елді-мекендерінің зейнет жасындағы жалғызбасты қарт ана Бектұрғанова Есенкүл мен 87 жастағы қария Жанқұл Арысбаев ақсақалдың үйлеріне барып, үй-шаруасы мен ауласын қардан тазалау жұмыстарына жәрдем көрсетті.

Қазыналы қарияларымызға қол ұшын беріп, оларға мейірім көрсету біздің басты борышымыз болып табылады. Игілікті шара барысында көпті көрген көнекөз қарттарымыз жастарымызға өз алғысын білдіріп, ақ батасын берді.