Түркістандықтар бокстан командалық есепте үшінші орынды иеленді

Павлодар қаласында 2-9 желтоқсан аралығында бокстан ересектер арасында Қазақстан Республикасының чемпионаты өтті. Ринг төрінде жеңіске жеткен Түркістан облысының құрамасы 1 алтын, 3 күміс және 2 қола медаль жеңіп алып, жерлестерімізді қуантты.

Былғары қолғап шеберлері арасындағы жекпе-жекте жеңіске жеткен 92 келі салмақтағы түркістандық Абзал Құттыбеков жеңімпаз атанды. 63.5 келіде сынға түскен Түркістан облысының үміті Мухаммедсабыр Базарбайұлы мен 67 келі салмақта өнер көрсеткен Темірхан Тезек күміс жүлдеге ие болды. Бокстан талай әлемдік додаларда еліміздің намысын қорғап келе жатқан 86 келідегі дарынды боксшы Тоғамбай Сағындық күміс жүлдені иеленді.

Бокстан Түркістан облысының аға бапкері Нұркен Аңдасовтың шәкірттерінің жетістігі ауыз толтырып айтарлықтай. Биылғы жылдың басты додасында жұдырықтасқан болашағы жарқын Ержан Жомарт 51 келіде, Әбдікерім Бекболат 80 келі салмақта қола алқаны қанағат тұтты. Еліміз бойынша ең талантты әрі адуынды боксшылар қатысқан бұл додаға 200 спортшы 12 салмақ бойынша шеберліктерін шыңдады.

x

Check Also

Түркістан: Мопедті тізгіндеушілерге талап күшейтілді

ҚР «Жол жүрісі туралы» Заңына толықтырулар мен өзгертулер енгізіліп, қозғалтқыш көлемі 500 см3-тан төмен мопедтер механикалық көлік құралдарымен теңестірілді. Енді ...

Түркістан қаласына келген шетелдік туристер саны 90 %-ға өскен

Түркістан қаласында 2024 жылы жалпы өңірлік өнім көлемі 452,6 млрд теңгеге жеткен. Бұл көрсеткіш 2023 жылмен салыстырғанда 14,4 пайызға жоғары. ...