Xnews — ақпарат агенттігі Әлем және Қазақстанның соңғы жаңалықтары
Толығырақ тақырып аясында
Қала басшысының наурыз және маусым айларындағы Бекзат секторындағы кездесуі барысында 85 мәселеле көтерілді. Олардың 64-і толық орындалса, 21-і тиісті жұмыстар басталып қазіргі таңда орындалу үстінде.
Бүгінгі таңда, алты алабтың бірі Бекзат секторында бірқатар жұмыстар жүргізілді.
Атап айтқанда, 3 шақырымды құрайтын 4 көшеге тас төселіп, 49 көшеге жарықшамдар қойылды.
Сондай-ақ, 2,2 шақырымға жаяу жүргіншілерге арналған жол салынып, сектор аумағында 5 аялдама орнатылды.
Тұрғындар тілегіне сәйкес, №6, №10 бағыттағы автобустар жаңартылып, жаңа №17, №20 бағыттарында қатынас жасайтын қоғамдық көліктер іске қосылды. Жыл соңына дейін тағы №16 бағытын ашу жоспарлануда.
Жарықтандыру саласында қажеттілік туындаған аймақтарда қосымша 4 трансформатор орнатылып, сектор тұрғын үйлерінің 75 пайызы табиғи газ тұтынуда.
Ендігі кезекте секторда 1,8 шақырымды көше орташа жөндеу жүргізілмек. 6,6 шақырым көшеге жаяу жүргінші жолы салынуда.
Одан бөлек, балалар ойын алаңы мен спорт алаңшаларының құрылысы мен 100 км-ге кәріз желісі жүргізілуде. Мемлекеттік жекешелік әріптестік аясында 1200 орындықты мектеп салу көзделуде.
