СОЗАҚТА «АТОМШЫЛАР АЛЕЯСЫ», «STREET WORKOUT» ЖӘНЕ БАЛАЛАР ОЙЫН АЛАҢШАСЫ АШЫЛДЫ

Созақ ауданы, Таукент кентінде «Kazatomprom-SaUran» жауапкершілігі шектеулі серіктестігінің қолдауымен салынған төрт балалар ойын алаңшасы, «Атомшылар алеясы» және «Street workout» алаңының ашылу салтанаты өтті.
Жиында аудан басшысы Мұхит Тұрысбеков тұрғындарды нысандардың ашылуымен және «Kazatomprom-SaUran» ЖШС-нің құрылғанына 25 жыл толу мерекесімен құттықтап, компанияның бас директоры Асқар Нұрғалиевке аудан әкімінің алғыс хаты мен сый-сияпатын табыс етті.
— Мемлекет басшысы Қасым-Жомарт Тоқаевтың Жолдауында айтылғандай, халыққа көмек көресетуді жүзеге асырып, көптің ықыласына бөленіп келген «Kazatomprom-SaUran» компаниясы ауданның даму жолында әрқашан үлкен қолдау білдіріп келеді. Осындай өрелі өндіріс орындары өңірімізде өркен жайып, әлеуметтік көмекті қажет ететін отбасыларға және бірқатар әлеуметтік нысандарға демеушілік көрсетіп жүр. Бүгін, міне, Таукент кентінде төрт балалар ойын алаңшасы, «Атомшылар аллеясының» және «Street workout» алаңының ашылуына куә болып отырмыз. Осынау әлеуметтік қолдауға Созақ ауданы тұрғындары атынан ризашылығымды білдіремін, — деді Мұхит Тұрысбеков.
Аталған жиында Таукент кентінің ардагерлер кеңесінің төрағасы Төленбек Әйнекбаев аудан басшысы мен демеуші компания ұжымына кент тұрғындары атынын алғысын білдірді.
«Kazatomprom-SaUran» ЖШС-нің бас директоры Асқар Нұрғалиев аудан көлемінде осындай игі шаралар өз жалғасын табатынын жеткізді.
Түркістан облысы әкімнің баспасөз қызметі
x

Check Also

Түркістан қаласында 3069 түлек мектеп бітірді

Бүгін еліміз бойынша мектептерде соңғы қоңырау соғылып, мыңдаған түлек алтын ұя мектебімен қоштасып жатыр. Түркістан қаласында да бұл күн ерекше ...

Ұстаз болу — жүректің ісі

Мектептегі басты тұлға мұғалім екендігі белгілі. Тіпті қазіргі технологиялар ерекше дамыған заманның өзінде білім сапасын қамтамасыз етудегі мұғалім рөлін ешнәрсемен ...