КЕНТАУДАҒЫ БАРЛЫҚ БІЛІМ ҰЯЛАРЫНЫҢ БАСШЫЛАРЫ МЕН ҰСТАЗДАРЫ ӘНҰРАНДЫ ШЫРҚАДЫ

Кентау қаласының ұстаздары Республика күніне орай Әнұранды шырқады. Кентау қаласы адами әлеуетті дамыту бөлімінің ұйымдастыруымен бөлім әдіскерлері, жалпы мектептердің басшылары, педагогтар, балабақша меңгерушілерінің, жалпы 360 ұстаздың қатысуымен «Патриотизм дауысы» тақырыбында патриоттық іс-шара өткізілді. Ұстаздар қолдарын көкірек тұсына қоя, Әнұранды жанды дауыста шырқады.
– Еліміздің жарқын болашағы үшін қалыптасқан бұл мерекенің маңызы зор. Осы тұрғыда елдің әрмен қарай даму бағытында ұстаздардың қосар үлесі зор. Жас ұрпақты білімді етіп тәрбиелеуде қажырлы еңбек ететін боламыз, – деген қалалық адами әлеуетті дамыту бөлімінің әдіскері Айгүл Мақұлбекова халықты мерекемен құттықтады.
Патриоттық шара қаладағы Ә.Бөкейханов атындағы №23 жалпы орта мектебінің оқушыларының орындауында «Менің арманымдағы Қазақстан» флешмобына ұласты. Ұстаздар тарапынан Атамекенге арналған әндер шырқалды. Шараның мақсаты болашақ жас ұрпақты елдің қорғаны екенін сезіндіру, Отанға деген сүйіспеншілігін ояту болатын.
Дәл осындай іс-шара қаладағы «Көктөбе» демалыс аймағында жалғасты. Қаладағы колледж жастары көк туды желбіретіп, Әнұранды шырқады. Әскери ойындар ұсынылып, қаладағы каратэ-до шотокан үйірмесінің жас спортшылары өз шеберліктерін көрсетті.
x

Check Also

Қазақстандықтар @Tazaqazbot чат-боты арқылы экологиялық проблемаларды шешуге белсенді қатыса бастады

«Таза Қазақстан» тұжырымдамасын іске асыру аясында Экология және табиғи ресурстар министрлігі 2024 жылғы маусымда @TazaQazBot телеграм-чат-ботын іске қосты. Бұл экологиялық ...

Геология Казахстана привлекает мировых инвесторов: в страну уже вложено более 12 млрд тенге

Геологическая отрасль Казахстана демонстрирует уверенное развитие и высокий интерес со стороны международных инвесторов. Благодаря системной работе Министерства промышленности и строительства ...