Түлкібаста Шерхан Мұртазаның 90 жылдығына арналған шара өтті

Биыл халық жазушысы, қазақ әдебиеті мен журналистика саласында өшпес із қалдырған белгілі қаламгер Шерхан Мұртазаның туылғанына 90 жыл толды.

Түлкібас ауданындағы Шерхан Мұртаза атындағы мектепте Шерхан Мұртаза атындағы қайырымдылық қордың ұйытқы болуымен «Тұғыры биік тұлға» атты ғылыми-танымдық конференция өтті. Оған Түлкібас ауданы әкімінің орынбасары М.Жанесен, аудан және Жамбыл облысының белгілі ғалымдары мен жазушылары және аудан зиялылары, мұғалімдер қатысты.

«Түркі әлеміне қызметі үшін сыйлықтың лауреаты», Абайтанушы М.Мырзахметұлы бастаған бір топ ғалымдар мен жазушылар, М.Х.Дулати атындағы Тараз өңірлік университетінің «Филология және журналистика» кафедрасының профессоры М.Көпбаева, Тараз қаласындағы Шерхантану ғылыми зерттеу орталығының директоры Қ.Тамабаева, М.Х.Дулати атындағы Тараз өңірлік университетінің «Филология және журналистика» кафедрасының доцент Т.Мұқашев және ҚР Журналистер Одағының мүшесі Е.Әбдиев бүкіл ғұмырын ұлттық мәдениет пен әдебиеттің дамуына арнап, кейінгі ұрпаққа рухани бай мұра қалдырған қаламгер Шерхан Мұртазаның шығармалары мен еңбегі жайында баяндамалар жасады.

«Түлкібасы-тұлпарлар туған жер, сұңқарлар қонған жер»-деген теңеудің авторы Шераға 1932 жылы еншілес Түлкібас пен Жуалы аудандары бір аудан болып тұрған шағында өмір есігін Талапты(Жуалы) ауылында ашқан. Сол себептен, көрнекті қайраткерді Түлкібас ауданымен көп нәрсе байланыстырады.

Мерейтойлық жиында келген қонақтарға «Ұлттық құндылықтар-ұлт қазынасы» және «Ұлттық Рухтың жаршысы» атты тақырыпта қолөнер бұйымдары мен кітап көрмесі ұсынылып, мектептің мұражайы таныстырылды.

x

Check Also

Заседание постоянной комиссии областного маслихата по вопросам бюджета, экономики и сельского хозяйства

В связи с повесткой дня очередной семнадцатой сессии областного маслихата восьмого созыва, 20 июня 2025 года состоялось заседание постоянной комиссии ...

Облыстық мәслихаттың бюджет, экономика және ауыл шаруашылығы мәселелері жөніндегі тұрақты комиссияның мәжілісі өтті

Тұрақты комиссияның жұмысын тұрақты комиссия төрағасы М.Тұрысбеков жүргізді, облыстық мәслихат төрағасы Н.Әбішов, облыс әкімінің орынбасарлары Т.Қозбеков, Н.Тұрашбеков, тұрақты комиссия мүшелері, ...