Xnews — ақпарат агенттігі Әлем және Қазақстанның соңғы жаңалықтары
Бүгінге дейін түркістандықтар жүргізуші куәлігін алу үшін Шымкентке баруға мәжбүр болатын. Бұл мәселе өз шешімін тауып отыр, деп хабарлайды ҚазАқпарат.
22 тамыздан бастап Түркістан облысының тұрғындары қаладағы «Turan-Bereke-QZ» автодромының базасында практикалық емтихан тапсыра алады. Автодромда B, C, CE, C1, D1 санаттары бойынша сынақтан өтуге мүмкіндік бар. Ал, теориялық емтиханды Сарыағаш және Түркістан қалаларында да тапсыруға болады.
«Комиссия мемлекеттік органдардың өкілдерімен бірлесіп практикалық емтихан қабылдайды. Емтиханды дүйсенбі-жұма аралығында сағат 9:00-ден 18:00-ге дейін Түркістан қаласы Көктем көшесі, 59 А мекенжайы бойынша тапсыруға болады. Сенбі және жексенбі – демалыс», — делінген «Азаматтарға арналған үкімет» мемлекеттік корпорациясының Шымкент қаласы бойынша филиалы таратқан ақпаратта.
Айта кетейік, біз бұдан бұрын шымкенттіктер жүргізуші куәлігін алу үшін мамандандырылған халыққа қызмет көрсету орталығы алдында түнімен кезекте тұруға мәжбүр екендігін жазған едік. Себебі, бір ғана мекеме Түркістан облысы мен Шымкент қаласының тұрғындарына қызмет көрсетіп келген болатын. Соның салдарынан ұзын-сонар кезек туындап, қолайсыздық тудырған еді.