Xnews — ақпарат агенттігі Әлем және Қазақстанның соңғы жаңалықтары
Таңертең малын жайлауға шыққан Қызылтал ауылының тұрғыны Гүлфия Қазымова қорадағы қойларының қимылсыз жатқанын байқапты. Осыдан кейін отағасын шақырып, малын иттердің тамақтап кеткенін білген. Іле-шала полиция мен аудандағы ветеринарлық стансаға хабарласыпты. Мал иесінің айтуынша, мұндай келеңсіз оқиға бұған дейін де болған. Өйткені ауыл маңында иесіз жүрген ит көп. Түз тағысына айналған бұралқы төбеттер қоқыс төгетін орынды үйірсектейді екен. Бүгін малға шапқан хайуан енді адамды талауы да мүмкін, — дейді ашынған тұрғыны:
— 27 қой-ешкіміз бар еді. Солардың үшеуі арам өлген. Сегізінің жарақаты ауыр болғасын, дереу сойып алдық. Енді ветеринарлар басқаларын тексеріп жатыр. Кешке дейін күтеміз, егер мал болмайтыны анықталса пышаққа ілінеді. Басқа амалымыз жоқ, тіпті кімнен көмек сұрарымызды да білмейміз, -дейді Гүлфия Қазымова.
