Шымкентте өндірістік процестерді автоматтандыру жұмыстары оң бағаланды

ҚР Премьер-Министрі Асқар Маминнің төрағалығымен өткен Үкімет отырысында санитариялық-эпидемиологиялық жағдай, ауылдық елдімекендерде сумен жабдықтау қызметтерін қолжетімді ету және жоғары білім беру сапасын арттыру мәселелері қаралды.

Үкімет басшысы халықты вакциналаумен және ревакциналаумен қажетті көлемде қамтамасыз етудің маңыздылығын атап өтті.

ДДСҰ ұсынысы бойынша елімізде вакциналауға жататын адамдар санаты кеңеюде. Бүгінде жеті өңірде жасөспірімдерді, жүкті және бала емізетін аналарды вакциналау басталды. Өңірлерге Comirnaty (Pfizer) вакцинасы жіберілген. Шымкент қаласында да аталған вакцинаны егу жұмыстары жүргізілуде.

Қазіргі уақытта республика бойынша 12-18 жастағы 1313 бала, 247 жүкті және бала емізетін ана вакциналанды.

Үкімет басшысы санитарлық талаптарды қамтамасыз ету және мониторингтік топтардың оларды сақтауын бақылау бойынша шаралар қабылдауды одан әрі жалғастыруды тапсырды.

Сонымен қатар, жиында ауылдық елдімекендерде сумен жабдықтау қызметтерін қолжетімді ету жұмыстарының барысы талқыға түсті. 2025 жылдың соңына дейін халықты таза ауызсумен қамтуды 100 пайызға жеткізу міндеті тұр. 2021 жылдың қорытындысы бойынша қалаларда ауызсумен қамту 98 пайызға жетпек.

Нұр-Сұлтан және Шымкент қалаларында өндірістік процестерді автоматтандыру және есептеу құрылғыларын орнату есебінен тұрғындардың қаражаты үнемделіп, су және қызмет көрсету шығындары азайған. ҚР Премьер-Министрі осындай тәсілдерді елдің басқа өңірлеріне де қолдану қажеттігіне назар аударды.

Саланы автоматтандыру және инновациялық технологияларды қолдану бойынша жұмыс қарқынын арттыру қажет.

Айта кетсек, Шымкент қаласында 2023 жылы сапалы ауызсумен қамту мәселесі толықтай шешіледі.

x

Check Also

Шымкентте «Жомарт жан» орталығы игі іске ұйытқы болды

Шымкент қаласы Қазақстан халқы Ассамблеясы жанындағы «Жомарт жан»орталығы ерекше қажеттіліктері бар балаларға көмек көрсететін «ЖИТС-тен (жұқтырылған иммун тапшылығы синдромынан)балаларды қорғау» ...

Шымкенттік дәрігерлер 4 айлық сәбиге күрделі ота жасады

Қалалық балалар клиникалық ауруханасында 4 айлық сәбиге бірегей ота жасалды. Нәресте ауыр жағдайда тума сол жақты гидронефроз 3 дәрежесімен ауруханаға ...