Асарлықтар көптен күткен ауыз суға қол жеткізді

Шаһардағы «Асар-2» тұрғын алабына ауыз су берілді. Ауыз суға қосу іс-шарасына Шымкент қаласы әкімінің орынбасары Мәулен Айманбетов қатысып, асарлықтардың қуанышымен бөлісті.

Қала әкімі орынбасарының айтуынша, 5 елді мекен биыл кезең кезеңімен ауыз суға қосылады. Су құбырының құрылыс жұмыстары мердігер мекеме «Сарыағаш Аман» ЖШС тарапынан 2020 жылы басталды. «Асар-2» тұрғын алабында 2765 абонент бар.

Су жүйелерінің жалпы ұзындығы 156,1 шақырымды құрайды.

– Бүгінгі таңда сапалы ауыз сумен қамтамасыз ету көрсеткіші 98 пайызды құрайды. 2023 жылға қарай үшінші мегаполисте ауыз су мәселесі жүз пайызға шешімін табады, — деді қала әкімінің орынбасары М.Айманбетов.

«Асар-2» тұрғын алабында енді халықты ауыз сумен жабдықтаушы мекеме тарапынан абоненттеу жұмыстары қалып тұр. Ол үшін жер теліміне берілген мемлекеттік акт пен жеке куәліктің көшірмесі қажет.

 

x

Check Also

Мемлекет Басшысы Қасым-Жомарт Тоқаев Шымкент қаласының жұртшылығы алдында сөз сөйледі

Президент Конгресс-холға жиналған жергілікті қауым алдында сөйлеген сөзінде шаһарға жұмыс сапарымен арнайы келгенін, шырайлы Шымкент еліміз үшін өте маңызды қала, ...

Мемлекет басшысы «Tulip Hall» көпфункционалды кешеніне барды

Қасым-Жомарт Тоқаев өткен жылы маусым айында пайдалануға берілген конгресс-холл ғимаратымен танысты,-деп хабарлайды Xnews.kz ақпарат агенттігі Ақордаға сілтеме жасап. Президент тапсырмасына сәйкес бой ...