«Visit Shymkent» орталығы әлеуметтік туризм бағыты бойынша экскурсия өткізді

Тәуелсіздіктің 30 жылдығы қарсаңында «Visit Shymkent» орталығы әлеуметтік туризм бағыты бойынша көп балалы жанұядан шыққан бүлдіршіндерге экскурсия ұйымдастырды.

Тур «Ізгілікте жарысайық» қайырымдылық қорымен бірлесе «Мейірімді жүрек» акциясы аясында қолға алынды. Құрамы 20-дан аса оқушыдан жасақталған топ мүшелері “Шым қала” тарихи-мәдени орталығы, Этноауыл, Түркістан облысының тарихи-өлкетану музейі, Әл-Фараби атындағы қалалық ғылыми-әмбебап кітапханасы және Бәйдібек би ескерткішіне барып, туристік нысандармен танысты.

Іс-шараның мақсаты — оқушылардың туған өлке тарихы туралы ой-танымдарын арттырып, Шымкент қаласындағы туристік нысандар және көрікті орындармен таныстыру. Ал, арнайы экскурсия аяқталған соң, бүлдіршіндерге «Ладушки» кафетериясы тарапынан тегін түскі ас және сыйлықтар ұсынылды. Жасөспірімдерді қала тарихымен таныстыруды көздеген арнайы экскурсиялық шаралар алдағы уақыт да жалғасатын болады.

x

Check Also

Шымкентте «Жомарт жан» орталығы игі іске ұйытқы болды

Шымкент қаласы Қазақстан халқы Ассамблеясы жанындағы «Жомарт жан»орталығы ерекше қажеттіліктері бар балаларға көмек көрсететін «ЖИТС-тен (жұқтырылған иммун тапшылығы синдромынан)балаларды қорғау» ...

Шымкенттік дәрігерлер 4 айлық сәбиге күрделі ота жасады

Қалалық балалар клиникалық ауруханасында 4 айлық сәбиге бірегей ота жасалды. Нәресте ауыр жағдайда тума сол жақты гидронефроз 3 дәрежесімен ауруханаға ...