Шымкентте 55 мың адам компьютерлік томографиядан өткен

Шымкент қаласында жыл басынан бері 55 мыңға жуық адам КТ зерттеуінен өткен. Олардың басым бөлігі пневмонияға шалдыққан және коронавирус диагнозы расталған науқастар.

Бұл туралы қалалық денсаулық сақтау басқармасы хабарлады. Компьютерлік томография аппараты қаладағы 21 медициналық ұйымда бар. Ал, қалалық инфекциялық аурухана мен №2 және №3 ауруханаларда КТ аппараты тәулік бойы жұмыс істейді.

Компьютерлік томография аппараты өкпесі қабынған науқастарды емдеуде зор септігін тигізеді. КТ-диагностикасы дәрігерлердің патологияның бар-жоғын 100 пайыз дәлдікпен анықтауға, емдеудің тиімді тактикасын әзірлеуге мүмкіндік береді. Бүгінде дәрігерлеріміз науқастарға емдеудің тиімді тактикасын қолдана отырып, өкпенің зақымдану пайызы 80-90 ға жеткен азаматтарды жазып шығаруда.

Компьютерлік томография (КТ) — әртүрлі ауруларды диагностикалаудың заманауи әдістерінің бірі. Бұл зерттеу әдісінің негізі рентген сәулелерінің әрекеті болып табылады. Құрылғы пациенттің айналасында айналады және бірнеше суретке түсіреді, оны компьютер өңдейді және дәрігер қорытындылайды.

Компьютерлік томография адамның ішкі ағзалары мен тіндерінің ауруларын диагностикалау үшін жүргізіледі.

x

Check Also

Оркестрлер шеруі қала тұрғындарына мәдени демалыс сыйлады

Шымкент қаласының Наурыз алаңында республикалық Оркестрлер шеруінің салтанатты ашылуы өтті. Қала күніне орай 15 және 17 маусым күндері Наурыз алаңында ...

Білікті хирург

Исаходжаев Алишер Бахтиярұлы 1996 жылы Оңтүстік Қазақстан Медицина Академиясы, «Балалар хирургі» мамандығы бойынша аяқтаған. 2003 жылы Шымкент қаласының денсаулық сақтау ...