АЛҒЫС АРҚАЛАЙТЫН МАМАНДЫҚ

Шымкентте әлеуметтік қорғау жүйесінің қызметкерлері кәсіби мерекелерін атап өтуде. Әлеуметтік сала қызметкерлері қайғы-мұң арқалаған азаматтардың қиындықтарын жат санамай, оларды бірге жеңуге бар күш-жігерлерін салатын мамандық иелері. Әлеуметтік қорғау жүйесін дамытуда аянбай еңбек етіп, мұқтаж жандардың игілігі үшін тер төккен сала мамандары қашанда құрметке лайық.

Көп балалы отбасылар, мүмкіндігі шектеулі жандар және өзге де өмірдің қиыншылықтарына тап болған адамдар сала қызметкерлерінің мейірімділік пен қайырымдылық, төзімділік және әрдайым қол ұшын беруге дайын елгезектік сияқты адами қасиеттерінің арқасында өз мүмкіндіктеріне сеніп, қиындықтарды жеңіп келеді.

Айта кетсек, Шымкент қаласы бойынша қалалық жұмыспен қамту және әлеуметтік қорғау басқармасына қарасты 10 мекемедегі 1200-ге жуық әлеуметтік қызметкерлер күнделікті 2176 мүгедектігі бар азаматтарға, мұқтаж адамдарға, әлеуметтік осал топтарға, оның ішінде 438 мүгедек балаларға арнаулы әлеуметтік қызмет көрсетуде.

x

Check Also

«Жаңа өмір» жобасы – жақсылықтың жаршысы

Шымкентте пробация қызметі есебінде тұрған жастарға арналған «Жаңа өмір» жобасы аясында бірқатар жұмыс жүргізіліп, нәтижелі жүзеге асып отыр. Жыл басында ...

Шымкенттің сүт өнімдері әлемдік нарыққа экспортталады

Қала аумағында қазіргі уақытта ауыл шаруашылығы өнімдерін қайта өңдеуші 50-ден астам кәсіпорын жұмыс істейді. Оның ішінде, сүтті қайта өндеумен айналысатын ...