«TURAN» фольклорлы-этнографиялық ансамблінің «FOLK & SYMPHONY» концерті өтеді

Шымкент қаласында 10 қазан күні Жамбыл атындағы Қазақ мемлекеттік филармониясының жанынан құрылған ҚР Мемлекеттік академиялық симфониялық оркестрінің «TURAN» фольклорлы-этнографиялық ансамблі «FOLK & SYMPHONY» концертін ұсынады.
Іс-шара ҚР Тәуелсіздігінің 30 жылдығына, жыр алыбы Жамбыл Жабаевтың 175 жылдығы және «Рухани жаңғыру» мемлекеттік бағдарламасы аясында ұйымдастырылмақ.
 
«TURAN» фольклорлы-этнографиялық ансамблі 2008 жылы Құрманғазы атындағы Қазақ ұлттық консерваториясының қабырғасында құрылған. «Тұран» – қазақ халқының көнеден келе жатқан төл музыкалық өнерін қазіргі заманның талғам-таным таразысымен қайта жаңғыртуды мақсат тұтқан ұлттық этно-фольклорлық топ. Топ – ұлттық көне аспаптардың үнін қайта тірілтуді, жаңа үндестік пен әдіс-тәсілдерді тауып қолданысқа енгізуді көздейді.
Бағдарламада қазақ композиторлары мен ансамбльдің авторлық шығармалары орындалады.
 
Мерекелік концерт 10 қазан сағат 18.00-де «Түркістан сарайында» өтеді. Билеттер Түркістан сарайының кассасында сатылады.
x

Check Also

Президентке Шымкент қаласының перспективті құрылыс жоспары таныстырылды

Мемлекет басшысына қаланың сәулеттік келбетін жақсартып, тұрғын үй-коммуналдық шаруашылығын дамыту бағытында атқарылып жатқан жұмыстар жөнінде мәлімет берілді,-деп хабарлайды Xnews.kz ақпарат агенттігі ...

Мемлекет Басшысы Қасым-Жомарт Тоқаев Шымкент қаласының жұртшылығы алдында сөз сөйледі

Президент Конгресс-холға жиналған жергілікті қауым алдында сөйлеген сөзінде шаһарға жұмыс сапарымен арнайы келгенін, шырайлы Шымкент еліміз үшін өте маңызды қала, ...