Өзін – өзі тану – өмірді тану

2021 жылы 10 қыркүйекте Шымкент қаласы Білім басқармасының Әдістемелік орталығының «Ерекше білімді қажет ететін балаларға білім беру және Өзін-өзі тану пәні» бөлімінің жұмыс жоспары бойынша «Біз біргеміз» атты шығармашылық топтың ұстаздары қалалық Ы.Алтынсарин атындағы № 65 мектеп-гимназиясында кездесіп «Өзін-өзі тану-өмірді тану» тақырыбында дөңгелек үстел ұйымдастырылды.

Дөңгелек үстелдің мақсаты:

Педагогтердің шығармашылық әлеуетін дамыту, жаңа оқу жылына арналған жоспарды жүзеге асыру, рухани-адамгершілік білім беру бағдарламасының идеялары контексінде тұлғаны жалпыадамзаттық құндылықтар негізінде оқытуды ұйымдастыру.

Кездесу аралас форматта өтті. Кездесуге Ы.Алтынсарин атындағы №65 гимназиясының педагогтері А.Жунисова, А.Науатова, №75 мектеп-гимназиясының педагогтері А.Сейденова, М.Төрегелдиева, З.Космедемьяская атындағы №23 мектеп-лицейінің педагогы А.Сағымбаева, №131 жалпы орта мектебінің педагогы Г.Каримова, №103 жалпы орта мектебінің педагогы Г.Мырзахметова, №16 жалпы орта мектебінің педагогы Д.Дербіс, №25 жалпы орта мектебінің педагогы Ә.Тоқтасын, №1 мектеп-интернатының педагогы Д.Аханова қатысты.

Топ мүшелері жұмыс жоспарын түрлі бағыттар бойынша қарап, құндылықтар негізінде құрылған идеяларын дамытып, жасақтады.

Кездесу барысында педагогтер Ы. Алтынсарин атындағы №65 мектеп-гимназиясының оқыту-тәрбиелеу жүйесімен танысып, ондағы шығармашыл педагогтердің еңбектерін тамашалап, кітапханасына, мұражайына, Өзін-өзі тану кабинетіне саяхат жасап өзара тәжірибе алмасты.

Шығармашылық топтың төрайымы Жунисова Ақжан Забурқызының жетекшілігімен қалалық Өзін-өзі танушылар бір жылдан бері жұмыс жасап келе жатқан республикалық «Ақылдым» журналының редакция алқасы кездесу кешіне келіп ұстаздарға шығармашылық табыс тілеп, жылы лебіздерін білдірді.

Нәтижесінде щығармашылық топтың Өзін-өзі тану: рухани-адамгершілік білім беру бағдарламасы аясында жұмыс жоспары дамытылып, алға қойған мақсаттары айқындалды.